Ինչպես կառավարել ժամանակը, եթե փոքր բիզնեսի սեփականատեր եք

Մենք բոլորս բախվում ենք ժամանակի կառավարման հետ։ Լինենք սովորական աշխատողներ, կառավարիչներ, խոշոր թե փոքր բիզնեսի տերեր, բոլորս ջանում ենք արդյունավետ բաշխել մեր ժամանակը։ Արդի աշխարհում մենք դարձել ենք մաքսիմալիստ, և ժամանակը մեզ ստիպում է ճիշտ և արդյունավետ դասավորել մեր օրը։ Բայց ինչպես լինել արդյունավետ, երբ վարում ես սեփական փոքր բիզնեսը։

Մեծ բիզնեսում կարծես ամեն ինչ հստակ բաշխված է։ Կան աշխատողներ, ինչպես շուկայավարներ, վաճառքի գործակալներ, ադմինիստրատիվ աշխատողներ և կառավարիչներ, ովքեր կոորդինացնում են ողջ աշխատանքը։ Փոքր բիզնեսում ստիպված ես ինքդ վարել սեփական ադմինիստրացիան և հաշվապահությունը, մշակել մարքեթինգ պլանը և պահպանել կապը հաճախորդների հետ, տալ հանձնարարություններ և վերահսկել դրանք։ Ամենօրյա աշխատանքները շարունակ կուտակվելով դառնում են տասնյակից ավելի։ Անցնում է մի փոքր ժամանակ ևս և սկսում ես հասկանալ, որ պետք է դասավորել աշխատանքի այդ կույտն այնպես, ինչպես կդասավորեիր սեփական զգեստապահարանը։

1․ Փորձեք դասակարգել Ձեր վրա կուտակված աշխատանքները։

Ստեղծեք Ձեր աշխատանքների ցանկը և սահմանեք դրանց կարգավիճակները։ Որոշեք, թե ո՞ր ընթացքում են գտնվում այդ աշխատանքները, կատարված ե՞ն դրանք թե ոչ, ընթացքում են թե՞ պլանավորում եք սկսել։ Տեսակավորեք դրանք ըստ բաժինների, օրինակ՝ ներառեք հաշվապահության, մարքեթինգի կամ վաճառքի մեջ։ Վատ չէր լինի դրանք գրանցել որևէ կառավարման համակարգում, եթե ունեք այն, քանզի կառավարման համակարգերն արդեն ունեն բոլոր անհրաժեշտ գործառույթները` աշխատանքներն արդյունավետ վերահսկելու համար։

2․ Սահմանեք աշխատանքների համար հստակ ժամկետներ եվ եղեք իրատես։

Յուրաքանչյուր աշխատանք պետք է ունենա ժամկետ։ Մենք ավելի արդյունավետ ենք, երբ գիտենք մեր առջև դրված ժամկետները։ Շատ կարևոր է սահմանել իրական ժամկետներ և հետևել դրանց։ Հետևեք Պարկինսոնի օրենքին․ մի տրամադրեք որևէ աշխատանքի համար ավելի շատ ժամանակ, քան պահանջվում է և կատարեք այն սահմանված ժամկետում։ Սահմանեք նաև աշխատանքների առաջնային կամ երկրորդական բնույթը։ Եթե որոշել եք փնտրել որևէ մասնագետի, կազմել թիրախ հաճախորդների ցանկը կամ մշակել որևէ տեքստ, ապա ցանկալի է առաջինը զբաղվել այն աշխատանքով, որով պայմանավորված է Ձեր պահանջարկը։ Կատարեք կարճաժամկետ աշխատանքներն առաջին հերթին։ Ի վերջո, հեռացրեք նաև Ձեր ցանկից բոլոր այն նշված հանձնարարությունները, որոնք երկար ժամանակ զուտ զբաղեցնում են տեղ։

3․ Բաժանեք Ձեր օրը ժամանակահատվածների։

Մենք բոլորս արդյունավետ ենք օրվա տարբեր ժամերին։ Մեր արդյունավետությունը կախված է հենց նրանից, թե ո՞ր աշխատանքը որ ժամին է կատարվում։ Ընդհանուր առմամբ մարդիկ ավելի արդյունավետ աշխատում են առավոտյան ժամերին։ Կատարեք առավոտյան այն աշխատանքը, որը ձեզանից պահանջում է բարձր կենտրոնացվածություն։

Կարևոր է նաև բաժանել Ձեր օրը որոշ ժամանակահատվածների։ Ես օրինակ՝ բաշխում եմ իմ օրը 3–4 հատվածի։ Առավոտյան զբաղվում եմ որոշակի տարրական հարցերով՝ վարչական կամ կազմակերպչական, մի փոքր ավելի ուշ լուծում ընթացիկ մեկ կամ երկու խնդիր։ Կեսօրից հետո կենտրոնանում եմ մշակման կամ պլանավորման վրա։ Երեկոյան ժամանակահատվածն արդյունավետ օգտագործում սոցիալական ցանցերում բիզնեսի վերաբերյալ նյութեր մշակելու ուղղությամբ։

4․ Զբաղվեք ռեսուրսներով

Մենք հաճաք այնքան շատ ենք տարված ընթացիկ աշխատանքով , որ չենք կարողանում զբաղվել ապագայում մեզ անհրաժեշտ ռեսուրսներով։ Ռեսուրս ընտրելիս առաջնորդվեք նրանով, որ կցանկանայիք հանձնարարել մեկ ուրիշին Ձեր աշխատանքի գոնե մեկ մասը։ Քիչ ժամանակ տրամադրելով այսօր՝ վաղը դուք կկարողանաք հանել Ձեր վրայից պարտականությունների մի ողջ շարան։

Վստահաբար ժամանակի ընթացքում ձեռքի տակ կուտակվել է տարատեսակ պրոֆիլներից գոյացած ներուժ։ Օրեկան կարգով վերանայեք կուտակված պրոֆիլները։ Առանձնացրեք Ձեր օրվա մեջ մեկ ու կես ժամ, թեկուզ առավոտյան թարմ սուրճի պահը, երբ դուք կընթերցեք 1–5 ռեզյումե։ Առանձնացրեք դրանք՝ հետագայում նրանց հետ բանավոր զրուցելու նպատակով։ Բանավոր զրույցները թույլ են տալիս հետագա համագործակցության համար բացահայտել որոշակի մանրամասներ և հատկանիշներ։

5. Կազմեք Ձեր ներքին ընթացակարգերը

Դարձրեք սովորույթ ունենալու ներքին ընթացակարգեր։ Որքան էլ բիսնեսը փոքր լինի, միևնույն է, դուք կատարում եք աշխատանքներ, որոնք պետք է վերահսկվեն որակի տեսանկյունից։ Համագործակցում եք տարբեր մարդկանց հետ և ունեք հաճախորդներ։ Հանձնարարում եք աշխատանքներ և վերահսկում դրանք։ Բոլոր այդ աշխատանքների կատարման ժամանակ նկատվում են թերություններ, որոնք կարող են նվազել լավ մշակված ներքին ընթացակարգերի, կանոնների, բացատրությունների և այլ ուղեկցող նյութերի միջոցով։ Տրամադրեք ժամանակ դրանք մշակելու համար։ Մեկ անգամ այն կազմելով՝ դուք զգալի ազատվում եք աշխատանքային կրկնությունից և բարձրացնում Ձեր ներքին կազմակերպվածությունը։

6. Հանձնարարեք եվ պլանավորեք հնարավորինս շատ։

Սովորեք հանձնարարել։ Սա ևս ժամանակի կառավարման լավագույն մեթոդ է։ Անշուշտ պատասխանատվության զգացողությունը բարձր է, երբ անձնապես վարում ես սեփական բիզնեսը և նախընտրում կատարել աշխատանքն ինքնուրույն՝ վստահ լինելու որակի մեջ։ Բայց պետք է համաձայնել, որ ի վիճակի չեք կատարելու ողջ աշխատանքը մշտապես։ Պետք է սովորել հանձնարարել։ Ձերբազատվելով ամենօրյա տասնյակ հարցերից, դուք հնարավորություն եք ունենում կենտրոնանալու բիզնեսի զարգացման ուղղությունների վրա։

Պլանավորեք աշխատանքների մեծ մասը։ Կազմեք ինչպես կարճաժամկետ, այնպես էլ երկարաժամկետ պլաններ։ Կարող եք կազմել շաբաթական, ամսեկան կամ տարեկան պլաններ՝ ներառելով այնտեղ Ձեր կողմից սահմանվող նպատակները․ օրինակ՝ հաճախորդների տեսակը, որոնց հետ պատրաստվում եք համագործակցել, ռեսուրսները, որոնցից ցանկանում եք օգտվել կամ այն փոքր ներդրումները, որոնք պատրաստվում եք կատարել Ձեր բիզնեսում։ Կարող եք պլանավորել այնպիսի փոքր գործեր, ինչպես օրինակ՝ սոցիալական ցանցերում որոշելու Ձեր ակտիվության հաճախականությունը և թեմաները։ Դրանով պայմանավորված է Ձեր շուկան և սպառողների քանակը։ Ի վերջո, որքան ավելի շատ և կանոնավոր եք պլանավորում, այնքան ավելի շատ առիթներ կլինեն դրանք իրագործելու։

--

--

Owner of translations.am. I love reading. Besides translations into Armenian, if a free moment, I am not thinking of dating, I am again thinking of reading

Love podcasts or audiobooks? Learn on the go with our new app.

Get the Medium app

A button that says 'Download on the App Store', and if clicked it will lead you to the iOS App store
A button that says 'Get it on, Google Play', and if clicked it will lead you to the Google Play store
Armine Abelyan

Armine Abelyan

Owner of translations.am. I love reading. Besides translations into Armenian, if a free moment, I am not thinking of dating, I am again thinking of reading